Акафист игумену Борису

Дата публикации или обновления 01.11.2017
  • К оглавлению: Правители
  • Крестный путь игумена Бориса
  • Краткое житие игумена Бориса
  • Акафист преподобному игумену Борису.
    Для келейного чтения.

    Кондак 1

    Избранный угодниче Христов, скорый помощниче и молитвенниче наш, преподобне отче Борисе.Величающе прославльшаго тя Господа, в песнех восваляем тя с любовию. Ты же, имея велие дерзновение ко Господу нашему Иисусу Христу, от всяких нас бед свободи, зовущих: Радуйся, преподобне отче Борисе, ангело собеседниче и человеков помощниче.

    Икос 1

    Ангелов и человеков Творец избра тя изначала, да прославиши житием твоим пречудное имя Святыя Троицы, явился бо воистинну Ангел на земли: яко луч пресветлый вечнаго Солнца Правды просветися жите твое. Мы же, зряще прехвальныя иноческия и пастырския труды твоя, с трепетом, благоговением и радостию глаголем ти сицевая:

    Радуйся, правило веры православныя и наставниче благочестия; радуся, того ради удостоивыйся длительнаго безчестия.

    Радуйся, в терпении искушенный; радуйся, скорбьми очищенный.

    Радуйся, поборниче Божия правды; радуйся, наследниче Христовой славы.

    Радуйся, гласе смиреннаго Христа; радуйся, глаголе зиждительнаго Духа.

    Радуйся, претихое скорбным в гонениих утешение; радуйся, живущим в мире присное вразумление.

    Радуйся, старче благодатный; радуйся, райская ветвь спасения.

    Радуйся, преподобне отче Борисе, ангелов собеседниче и человеков помощниче.

    Кондак 2

    Ангела-хранителя во святем крещении обретый, от младых ногтей равноангельнаго жития возжелал еси, отче борисе. Видя Господь сердца твоего расположение к Небесному, приведе тя к иеромонаху Гавриилу, егоже почитал еси, восприим преданность и велию любовь к распеншемуся за ны Христу Богу, Емуже вси со умилением поем: Аллилуиа.

    Икос 2

    Сердце чисто тебе даровася, святче Божий: от юности твоея не преставая уклонятися от мир сего, не долго учился еси земным наукам, но возлюбил еси поучения богомудрых отцев святыя Лавры преподобнаго Сергия, Царствия Божия ради и Света Христова. Сего ради приими от нас похвалу сию:

    Радуйся, земли сибирския чадо богоизбранное; радуйся, богумудрых учителей измлада имевый.

    Радуйся, еще до своего рождения лишившийся родного отца; радуйся, с младенчества благочестивой матерью твоею к Небесному Отцу приведенный.

    Радуйся, матерью своею во благочестии воспитанный; радуйся, скорби и лишения понесший во очищение души твоея.

    Радуйся, издетска навыкший к послушанию; радуйся, Богом избранный за кротось и смирение.

    Радуйся, от мирских сует отрешивыйся; радуйся, вся красная мира сего ни во что же вменивый.

    Радуйся, ради жизни небесныя с праведными учителями содруживыйся; радуйся, на будущия подвиги духовником наставленный.

    Радуйся, преподобне отче Борисе, ангелов собеседниче и человеков помощниче.

    Кондак 3

    Сила Вышняго от юности воистинну храняше тя, преподобне, матери благочестивыя благословение укрепляше тя. Наветы и козни товарищей по службе армейстей, плотскую брань и срамныя помыслы, вся претерпел еси с кротостию и смирением, в посте и молитве пребывая, выну воспивая Господеви: Аллилуиа.

    Икос 3

    Имея тщание о подвиге иноческаго равноангельнаго жития, житие твое богоугодное в борьбе со страстьми и немощьми проводил еси. Мы же, дивящеся таковому о тебе Божию промышлению, со умилением поем ти:

    Радуйся, по благословению старца глинскаго оставити мир решивый; радуйся, послушания к духовному отцу преисполненный.

    Радуйся, бдением и пощением страсти плотския умертвивый; радуйся, сердце великое в терпении имевый.

    Радуйся, незлобием твоим нападки братий победивый; радуйся, душу свою в скорбех неврежденну сохранивый.

    Радуйся, благое иго Христово на себе восприемый; радуйся, Небеснаго Владыки рабе благий и верный.

    Радуйся, соль земли обетованныя; радуйся, слезами сеявый, пожавый радостью.

    Радуйся, девственниче, разслабленныя укрепляяй; радуйся, духовнаго просвещения покровителю.

    Радуйся, мерило праведности и мудрости палато; радуйся, высото рассуждения и смирения глубино.

    Радуйся, преподобне отче Борисе, ангелов собеседниче и человеков помощниче.

    Кондак 4

    Божественная благодать осия тя, преподобне отче Борисе, егда приял еси монашеский постриг и посвящение иерейское от святителя Максима. И вся годы священства твоего, егда служил еси Литургию, Божественный свет сия в тебе, подвизая благодарне пети Господеви: Аллилуиа.

    Икос 4

    Слышаше и видяше житие твое, отче Борисе, и не могуще подвиг твоя уразумети, мнози жители града Тобольска начаша смущатися. Ты же, бурю злых напастей утишая, да не искушаются немощныя братия, изшел еси, волю духовника своего иполняя, в Никольский храм града Омска, в немже прослужил еси десять лет. Мы же, любовию к тебе понуждаеми, дерзаем пети ти сицевая:

    Радуйся, всего себе терпением обид в жертву Господу принесый; радуйся, на высоту ангельскаго безстрастия скоро возшедый.

    Радуйся, монашеский постриг от Владыки Максима приявый; радуйся, в трудах оноческих благодатию укрепленный.

    Радуйся, от юности твоея приемый благое иго священства; радуйся, истинное достоинство и высоту того показавый.

    Радуйся, на пир Царствия Божия званный и избранный; радуйся, просвещенный всецело Божественным светом.

    Радуйся, от наветов злых людей град Тобольск оставивый; радуйся, в Никольский храм града Омска пришедый.

    Радуйся, пастырский подвиг тамо продолживый; радуйся, мудрость и совет людем источавый.

    Радуйся, от бед и скорбей избавление; радуйся, лукавых сердец исправление.

    Радуйся, преподобне отче Борисе, ангелов собеседниче и человеков помощниче.

    Кондак 5

    Боготечною звездою покаяние возшел еси, отче, над вселенней, лучи сокрушения о людских беззакониих выну испущаяй; озари умы наша к зрению грех наших, да умилостивим Владыку пением: Аллилуиа.

    Икос 5

    Силою, данною ти свыше, исполняя послушание, в церкви поучал еси братий и всех к тебе приходящих, блуждающих, к Небесному Отечеству смиренно вел еси. Видеш чада твоя пастыря свего, в лепоте души и тела Богу предстояща, и познавша в нем великаго молитвенника и чудотворца, согласно возопиша ти, отче Борисе:

    Радуся, учай угождати Неба и земли Царице; радуйся, молитвами Матере милость у Сына обретый.

    Радуйся, глашатаю покаяния; радуйся, ходатаю о нас пред Богом.

    Радуйся, фиале(чаша) покаяннаго плача; радуйся, чистоты сердечныя зерцало.

    Радуйся, смиряяй кичливыя умы; радуйся, сокрушаяй гордыя сердца.

    Радуйся, утешаяй нас чудесы неложными; радуйся, яко невозможная другим тебе возможна.

    Радуйся, яко скорби наша на радость прелагаеши; радуйся, ты бо от очес наших слезы отираеши.

    Радуйся, преподобне отче Борисе, ангелов собеседниче и человеков помощниче.

    Кондак 6

    Воспевает обитель святаго Варнавы Черниговская подвиги твоя, богоносне угодниче Христов: хотя избран дом Духа Святаго себе сотворити и взем на рамо свое Крест Христов, подъял еси братии ради труды великия по обновлению и благоустроению разрушенныя обители. Сего ради, познавше благих Подателя Бога, вси со умилением поем Ему: Аллилуиа.

    Икос 6

    Новое поприще пастырскаго служения твоего избра Благопромыслитель Господь обитель Черниговскую святаго Варнавы, аможе, по благословению старца Наума, преселился еси, идеже вельми прослави тя Господь Бог. Мы же, любовию твоею побеждаеми, и от усердия нашего вопием ти сице:

    Радуйся, ангельское житие нам явивый; радуйся, страсти гриховныя вся оставивый.

    Радуйся, дом Духа Святаго себе сотворивый; радуйся, познавый при сем вся законы духовныя.

    Радуйся, труды по обновлению обители подъемый; радуйся, соблюдый сам вся уставы церковныя.

    Радуйся, подвижниче, умом прозорливый; радуйся, монахов наставниче чадолюбивый.

    Радуйся, око, боговедением просвещенное; радуйся, деснице, могуществом Его укрепленная.

    Радуйся, две златницы, монашества и священства, от Бога получивый; радуйся, с лихвою цельбы и чудес злато Христу возвративый.

    Радуйся, преподобне отче Борисе, ангелов собеседниче и человеков помощниче.

    Кондак 7

    Проповедниче Единаго Благаго, отче Борисе, тя смирившагося под крепкую руку Божию,Той превознес; в страстнем море плавающих не забуди чад твоих, но на брезе смирения постави я, да возвеличат Бога нашего, воспевая: Аллилуиа.

    Икос 7

    Возсиявшу свету блаженств Христовых, от степени в степень возтекл еси, богомудре отче Борисе: кротостию и миром, воздержанием и любовию душу свою просветил еси, да от нас ныне слышиши сицевая:

    Радуйся, носивый ризу смирения; радуйся, обиды покрывавый прощением.

    Радуйся,именем Иисусовым насыщенный; радуйся, водами Писаний напоенный.

    Радуйся, Христа присное жилище; радуйся, Духа дивное сокровище.

    Радуйся, Плоти Христове сотелесниче; радуйся, Крове Святыя причастниче.

    Радуйся, пучино щедрот; радуйся, море чудес преславных.

    Радуйся, благочестивый житием; радуйся, гонимый правды ради.

    Радуйся, преподобне отче Борисе, ангелов собеседниче и человеков помощниче.

    Кондак 8

    Видя враг рода человеческаго чистое и святое житие твое и сердце, любве преисполненное, преподобне Борисе,восхоте разлучити тя с твоею паствою.Ты же, отче святый, яко агнец кроток, вся претерпел еси и был Богом направлен на новое место служения: обитель Варницкую прподобнаго Сергия, вельми разрушенную богоборческими властями. Ты же присно взывал к Богу: Аллилуиа.

    Икос 8

    Новая жизнь вместе с тобою, отче Борисе, пришла в поруганную святыню. Сам Сергий преподобный помогал ти, и Варницкая обитель засияла ярким светом духовным среди обителей града Ростова Великого. Паства твоя вновь обрела тя. Молитва и благодать Духа Святаго вернулась в обитель. Мы же восхваляем тя, вопиюще сицевая:

    Радуйся, во всем видевый Промысл Божий и забывый обиды личныя; радуйся, святыя обители преподобнаго Сергия усердный строителю.

    Радуйся, явивый силу в немощи; радуйся, в слезах нашедый радость.

    Радуйся, водителю к жизни преславней; радуйся, наставниче наш, богоизбранный авво.

    Радуйся, душею к Богу стремивыйся Царствия ради Божия; радуйся, Царство Небеснаго верный строителю.

    Радуйся, Церкве Православныя житие обновивый; радуйся, многи иноки в обителех насадивый.

    Радуйся, унывающих мирян в скорбех утешение; радуйся, согрешающих людей исправление.

    Радуйся, камень преткновения земным обывателем; радуйся, Небесных высот достойный обитателю.

    Радуйся, ангелом сожителю; радуйся, Горния Церкве служителю.

    Радуйся, преподобне отче Борисе, ангелов собеседниче и человеков помощниче.

    Кондак 9

    Новый удар обрушиша на тя, отче Борисе, князь мира сего, восхоте погубити тя, наведе на тя люди злы, якоже беззаконно по зависти клеветаша на тя Архиерею. Ты же, отче святый, яко агнец кроток, вся претерпел еси, за обидящих тя Господеви моляся,Сподоби и нас незлобия твоего, мы же прославим дивная дела твоя и воспоим Господеви: Аллилуиа.

    Икос 9

    Бурю ярости и гнева воздвигоша безумныя людие, зословя тя, отче святый, на тя Архиерею, он же изгнати тя из обители Сергиево-Варницкой повеле. Обаче благодать Божия и во изгнании соблюдоша тя, научающе в терпении нести Крест Христов. Мы же, видяше твое смирение, поем всем сердцем умиленным.

    Радуйся, от клеветы пострадавый доблий мучениче; радуйся, свидетелю веры истинныя.

    Радуйся, из обители преподобнаго Сергия изгнанный; радуйся, за обидчиков и клеветников моливыйся.

    Радуйся, себе уничиживый, Богом прославленный; радуйся, в последних ходивый, первым поставленный.

    Радуйся, святыню Духа носивый в бреннем телеси; радуйся,освятивый души, растленныя страстьми.

    Радуйся, мироварнице, миро изливающая; радуйся, чаше духовнаго омовения.

    Радуйся, приемниче древних отцев; радуйся, новый угодниче Христов.

    Радуйся, преподобне отче Борисе, ангелов собеседниче и человеков пощниче.

    Кондак 10

    Блаженны изгнани правды ради, яко тех есть Царство Небесное: бурю гонений и изгнание мужественно претерпел еси и венец нетленный на Небеси себе уготовал еси. Мы же, видяше велию твою кротость и смирение, поем всем сердцем умиленным: Аллилуиа.

    Икос 10

    Новаго Завета учитель изряден явился еси, Слово Божие житием своим проповедавый: яко несть наша брань противу плоти и крове, но к миродержателем тьмы века сего. Мы же, о Господе возмогая, вопием ти, отче наш Борисе:

    Радуйся, Сына Божия служителю верный; радуйся, Бога Отца духовными очима зревый.

    Радуйся, мыслителю добрый и прозорливый; радуйся, грядущая, яко настоящая, провидевый.

    Радуйся, часовню преподобнаго Сергия во граде Иванове устроивый; радуйся, храм святаго князя Александра Невскаго близ неяже воздвигнувый.

    Радуйся, обитель спасения новую там основавый; радуйся,до конца жития своего там пребывавый.

    Радуйся, пастырю немощных доблий; радуйся, отче наш милостивый и кроткий.

    Радуйся, одержимых бесы свободителю; радуйся, раковыя язвы исцелителю.

    Радуйся, преподобне отче Борисе, ангелов собеседниче и человеков помощниче.

    Кондак 11

    Видя на окраине земли Ивановстей руины древняго монастыря Сошествия Животворящаго Креста Господня, восхоте монастырь сей возродити, глаголя: "Это будет мой последний крест". Темже чада твоя, по кончине твоей, воздвигоша, по молитвами твоим, великолепый храм Крестовоздвиженский. Мы же, радуяся сим велиим трудам во славу Божию, со умилением поем Господеви: Аллилуиа.

    Икос 11

    Весь был еси в нижних, смиренным последуя, в вышних с Богом, сиречь с любовию, пребывая, даруй нам, о неботаинниче Борисе, любве познание, во еже пети ти сицевая:

    Радуйся, яко пленником соедялся любве Божия; радуйся, яко чад своих любовию пленил еси.

    Радуйся, выю под иго Спасово подклонивый; радуйся, бремена ближних носивый.

    Радуйся, разумниче любве, разум превосходящия; радуйся, полноты Божия вместилище.

    Радуйся, в уме держай елика истинна, превосходна; радуйся, сердцем любяй елика пречиста, доброхвальна и прелюбезна.

    Радуйся, древний монастырь Сошествия Креста возродивый; радуйся, твоя же чада сие благое дело завершили, построив храм Крестовоздвиженский.

    Радуйся, брата родного молитвами своими к монашеству и священству приведый; радуйся, имже в последний путь на земли проводимый.

    Радуйся, уснувый плотию на земли; радуйся, живый душею на небеси.

    Радуйся, в скорби и болезни Небеснаго врача призвавый; радуйся Пречистую деву выну пред собою лицезревый.

    Радуйся, преподоне отче Борисе, ангелов собеседниче и человеков помощниче.

    Кондак 12

    Спасти хотя душу свою, яко деву, Единому Жениху ту обручил еси; ныне же вшед в Невестник Христов, с лики девственных, Борисе славне, пребываеши. Пению подобает приносимому быти тебе с Неба, а не от земли, о пречудне отче Борисе, Небес об явление на земли был еси, и к Небеси богомудрыми наставлениями твоими умы верных возводил еси, и всем нам благодать подаеши от Щедродателя, Христа Бога нашего, Емуже со Ангелы на Небесех выну поеши: Аллилуиа.

    Икос 12

    Разум и душу богопросвещенны стяжал еси, святче Божий, от юности соделавша ся верный исполнитель и проповедник заповедей Христовых, Яко многомощнаго молитвенника о нас пред Господем, утешителя и заступника, ублажаем тя и с любовию возглашаем ти сице:

    Радуйся, странниче, во отечество Небесное вшедый; радуйся, со святыми общение обретый.

    Радуйся, яко угодил еси Богу житием своим; радуйся, Евхаристии пламенный служителю.

    Радуйся, по смерти чудес многих источноче; радуйся, притекающим к тебе верный помощниче.

    Радуйся, покаянием церковным сердец очистителю; радуйся, усердный пред Богом о всех нас молитвенниче.

    Радуйся, преданный своему учителю учиниче; радуйся, боговидче преславный, древним подобный.

    Радуйся, странниче пути крестнаго; радуйся, наследниче Царствия Небеснаго.

    Радуйся, от земных на Небесная пришедый; радуйся, с Небесными сликовствуяй.

    Радуйся, яко в сониях и видениях верных посещаеши; радуйся, яко издалече молится тебе спасаемии.

    Радуйся, преподобне отче Борисе, ангелов собеседниче и человеков помощниче.

    Кондак 13

    О, великий молитвенниче и новый чудотворче, преподобне отче Борисе! Приими малое сие моление наше, в похвалу тебе возносимое, и, предстоя Пресвятей Троице, молися о всех нас, да обрящем милость у Господа нашего Иисуса Христа, стяжавше Духа Святаго и познавше Отца Небеснаго, в радости поюще: Аллилуиа.

    (Сей кондак читается трижды, затем икос 1 и кондак 1).

    Молитва 1-ая

    О, великий преподобный отче Борисе, угодниче Христов! Велия пастырския подвиги и труды во славу Святыя Церкве совершил еси, исповедник твердый, богообщения и лицезрения Христа уже на земли явися, светом своего боговедения верныя озаряя.На тя бо упование наше ныне возлагаем: услыши нас, грешных (имя рек), молящихся тебе, и подаждь нам твое пастырское святое благословение, и принеси молитву нашу к милостивому и человеколюбивому Богу, Емуже ныне в радости святых и с лики Ангел предстоиши; буди нам воистину ко спасению путевадитель, приведи нас к невечернему свету Христову своим пречудным заступлением, да по словести ивоему молитвенному услышим глас Владыки Христа нашего: Приидите, благословеннии Отца Моего, наследуйте уготованное вам Царство от сложения мира. Аминь.

    Молитва 2-ая

    О, всехвальный угодниче Христов, преподобне отче Борисе, душу Невестой Христовой именовавый и Небесному Жениху навечно ея обручивый; земную сласть ни во что же вменяти, но паче вожделети вечнаго воздаяния учивый! Ты просиял по всей стране нашей российстей светом своих добродетелей, даром любви и сердечней молитвы. Вся бо ты можеши у всеблагаго Бога испросити, яко до конца без ропота претерпевый и от Него венец нетленный приемый. И по отшествии твоем обильно источаеши помощь и утешение всем, с верою к тебе притекающим. Защити нас от зол и болезней, козни бесовкия отжени, семьи от пагубных страстей и искушений избави, чад возрастить в целомудрии научи. Умоли Господа нашего Иисуса Христа, да простит нам прегрешения наша и сподобит нас в простоте сердечней вместе с тобою славити и воспевати пречестное и великолепое Имя Отца и Сына и Святаго Духа. Аминь.

    Тропарь, Глас 4

    От юности Христа усердно возлюбив, преподобне отче наш Борисе, равноангелен еси явился на земли. Яко светозарная звезда, пришел еси от востока на запад, оставив отечество твое Сибирь. Ты бо на путь спасения нас верно наставляеши, молитвами от бед и напастей охраняеши, в телесных и душевных скорбех утешаеши, паче же смирению, терпению и любве научаеши. Коемуждо страждущему, и нищу и богату, пастырь кроток, утешитель и целитель явился еси. И по преставленнии своем источаещим к честному гробу Твоему, моли Христа Бога спастися душам нашим.

    Кондак

    Стяжавше дерзновение ко Господу равноангельным твоим житием, велиих дарований приемниче, велиих чудес силою Бжиею творителю, исцеляеши недужныя и души верою притекающих ти. Возсиял еси, яко солнце в мире, во обители Небеснаго града ныне ликовствуеши, темже вопием ти: радуйся, преподобне отче Борисе, ангелов собеседниче и человеков помощниче.

    Величание

    Ублажаем тя, преподобне отче наш Борисе, и чтим святую память твою, наставниче монахов и собеседниче ангелов.

    В начало



    Как вылечить псориаз, витилиго, нейродермит, экзему, остановить выпадение волос