Молитва

Василию Павло-Посадскому

Дата публикации или обновления 01.02.2017
  • История Покровско-Васильевского мужского монастыря.
  • К оглавлению: «Купующий царство небесное».
  • Молитва святому праведному
    Василию Павло-Посадскому

    О пречудный угодниче Христов Василие!

    Заповеди Господни возлюбив, иго Христово благое на рамена прием, в мире равноангельски пожил еси, и дары благодати, яже, в невидимых миру подвизех потрудився, от Бога прият. Щедре всем требующим подавал еси. О Церкви Божией ревновавый, ты многия овцы заблудшия, взыскав, к Единому Пастыреначальннку привел еси. И тако ненавистен ее слугам диаволим, якоже и по преставлении твоем, по мнозех летех судилище сотворивше, злобне тебе поношаху. Погибе память их, тебе же прослави Господь, и ныне, в сиянии Славы Божия престолу Его предстоя, моли Пресвятую Троицу, яко стяжавый дерзновение, о нас, к раце мощей твоих припадающих и чтущих любовию честную память твою, да сохранит Господь державу нашу Российскую в мире глубоце, да утвердит в ней веру православную, Церковь Русскую да соблюдет от расколов и ересей неколебиму, да дарует нам покаяние и спасет души наша. Аминь.

    Тропарь, глас 4-й

    Божественною свыше просветився благодатию, образ жития евангельского, правыя веры ревнитель и расколов обличитель показался еси в Посаде Павловстем, Василие праведне, верных наставниче и предстателю. Темже не оскуде даже до днесь частная память твоя. Моли Человеколюбца Бога оставление грехов молитвами твоими нам даровати.

    Кондак, Глас 2-й

    Соблазны лукаваго века сего отверг, слезами покаяния убеливый ризы твоя, приял еси от Бога многая дарования: недужных исцеляя, совет Благоразумен требующим подавая; и ныне радуешися со ангелы, венцем небесным увенчанный. Моли Господа, угодниче Христов Василие, да дарует и нам покаяние и велию милость.

    Тропарь преподобному Василию Исповеднику

    Глас 1

    Пустынный житель, и в телеси ангел, и чудотворец явился еси богоносе отче наш Василие, постом, Бдением, молитвою небесная дарования приим, исцеляеши недужныя и души верою притекающих ти. Слава давшему ти крепость, слава венчавшему тя, слава действующему тобою всем исцеления.

    Кондак преподобному Василию Исповеднику

    Глас 2

    С высоты приим Божественное откровение, изшел еси мудре от среды молв, и монашествовав преподобно, чудес приял еси действо, и недуги исцеляеши благодатию, Василие всеблаженне священнейший.

    Наверх

    К оглавлению: «Купующий царство небесное».
    В начало



    Как вылечить псориаз, витилиго, нейродермит, экзему, остановить выпадение волос
     
    Навигация
    Rambler's Top100