Молитва Святителю Николаю

Дата публикации или обновления 01.02.2016
  • К оглавлению: Полный молитвослов
  • Житие (краткое) Святителя Николая Чудотворца
  • Житие святителя и чудотворца Николая, архиепископа Мирликийского (из
    "Жития Святых" св. Димитрия Ростовского)
  • Молитва Святителю Николаю, Мирликийскому чудотворцу
  • Акафист святителю Николаю Мир Ликийских Чудотворцу
  • Молитва Святителю Николаю (путешествующих)

    Икона свт. Николай Чудотворец. Галерея икон Щигры
    Николай Чудотворец. Галерея икон.

    О, всесвятый Николае, угодниче преизрядный Господень, теплый наш заступниче, и везде в скорбех скорый помощниче! Помози мне грешному и унылому в настоящем сем житии, умоли Господа Бога даровати ми оставление всех моих грехов, елико согреших от юности моея, во всем житии моем, делом, словом, помышлением и всеми моими чувствы; и во исходе души моея помози ми окаянному, умоли Господа Бога, всея твари Содетеля, избавити мя воздушных мытарств и вечного мучения: да всегда прославляю Отца и Сына и Святаго Духа, и твое милостивное предстательство, ныне и присно и во веки веков. Аминь.

    Тропарь, глас 4


    Правило веры и образ кротости, воздержания учителя яви тя стаду твоему яже вещей истина; сего ради стяжал еси смирением высокая, нищетою богатая, отче священноначальниче Николае, моли Христа Бога спастися душам нашим.

    Кондак, глас 3

    В Мирех, святе, священнодействитель показался еси: Христово бо, преподобне, Евангелие исполнив, положил душу твою о людех твоих, и спасл еси неповинныя от смерти; сего ради освятился еси, яко великий таинник Божия благодати.

    Святитель Николай, архиепископ Мирликийский
    Святитель Николай, архиепископ Мирликийский. Начало XVII века. Москва. Собрание Государственной Третьяковской галереи.

    В начало

     
    Rambler's Top100