Молитва Святителю Петру Цетинскому

Дата публикации или обновления 01.05.2016
  • Оглавление: Святыни Черногории
  • Молитвы черногорским святым
  • Молитва

    О великий святителю и чудотворче Божий Петре, равноапостольный проповедниче Евангелия Христова, пастырю разумный стада Божиего и столпе Церкви Православной, неложный вождю народный, учителю и просветителю, великий угодниче Божий, приими с обычным твоим милосердием нас грешных, молящихся тебе и к твоему надежному покрову прибегающих.

    Молим тя, умоли всемилосерднаго Человеколюбца Христа, единаго Бога и Спаса нашего не поминати беззаконий и грехов наших, но смилостивиться над нами по велицей милости Своей, да дарует нам здравие душевное и телесное, любовь, мир и согласие и вся потребная для жизни вечной и спасения души; да обновит в сердцах наших безсмертный свет истиннаго богопознания, да все творим и чиним во славу Творца, Спасителя и Бога нашего.

    О великий святителю и угодниче Христов, Цетинский чудотворче, пастырю и молитвенниче всего рода сербскаго и всего рода православнаго, молитвами твоими и небесной благодатию Святаго Духа сохрани Богом дарованное тебе стадо твое и вся грады, села и земли христианский от глада, мора, труса, потопа, огня, нашествия иноплеменных и междоусобныя брани и злобы, избави нас от всякия неправды, обмана и лжи, от безбожия, незнания Бога, ереси и раскола; измоли нам у Христа Бога покаяние личное и всенародное, ибо мы род твой еси по телу и духу.

    О Боже, Великий, Небесный, Альфо и Омего, Источниче и Прибежище веры нашея и живота и бытия нашего, приими молитвы Своего угодника, святаго владыки, иже молит Тя за нас грешных и недостойных слуг Твоих. Ибо и согрешая Ти много, не отступаим от Тебе, единаго живаго и истиннаго Бога и Спасителя нашего, Емуже во веки от нас и от всея твари всякая слава, честь и поклонение: Отцу и Сыну и Святому Духу, ныне и присно и во веки веков. Аминь.

    В начало

     
    Rambler's Top100